बीड,
दि. 26 :- ग्रामीण भागातील दारिद्रय रेषेखालील सुशिक्षित बेरोजगार उमेदवारांसाठी स्टेट
बँक ऑफ इंडिया ग्रामीण स्वरोजगार प्रशिक्षण संस्था, एस.पी. ऑफीस समोर, बार्शी रोड, बीड यांच्यावतीने दि. 1 जून 2017 ते दि. 15 जुलै
2017 या कालावधीत कॉम्प्युटर डि.टी.पी. प्रशिक्षण आणि दिनांक 1 जून ते 30 जून 2017
या कालावधीत मोबाईल दुरुस्ती प्रशिक्षण वर्गाचे आयोजन करण्यात आले आहे.
प्रशिक्षणार्थ्यांची निवड ही मुलाखतीद्वारे
करण्यात येईल. प्रशिक्षण पुर्णवेळ मोफत व निवासी असून राहणे, चहा, नाष्टा आणि 2 वेळा
जेवण दिले जाईल. प्रशिक्षणादरम्यान उमेदवाराला प्रशिक्षणासोबत योग्य प्रशिक्षण, व्यक्तिमत्व
विकासाचे प्रशिक्षण तज्ञाकडून मिळेल तसेच प्रशिक्षण पूर्ण झाल्यानंतर व्यवसाय सुरु
करण्यासाठी दोन वर्ष मार्गदर्शन व पाठपुरावा करण्यात येईल.
प्रशिक्षणासाठी प्रशिक्षणार्थी सुशिक्षित बेरोजगार असावा. त्याचे शिक्षण सुरु नसावे. उमेदवार किमान 8 वी उत्तीर्ण
असावा. दारिद्रय रेषेखालील यादीमध्ये नाव असावे व ग्रामीण भागातील रहिवाशी असावा. उमेदवाराचे वय 18 ते 45 दरम्यान असावे. प्रशिक्षणार्थ्यास
व्यवसाय करण्याची आवड असावी. या प्रशिक्षणासाठी
कमाल 35 उमेदवारांची उपस्थिती आवश्यक आहे. प्रशिक्षण वर्गाचे अर्ज तालुका पंचायत समिती
तसेच बीड येथील जिल्हा ग्रामीण विकास यंत्रणा कार्यालय आणि स्टेट बँक ऑफ इंडिया ग्रामीण
स्वरोजगार प्रशिक्षण संस्था, पोलीस अधिक्षक कार्यालयासमोर, शिवाजीनगर शाखेच्यावर येथे
विनामूल्य उपलब्ध आहेत. असे संचालक एम.पी.वाघमारे यांनी कळविले आहे.
-*-*-*-
कोणत्याही टिप्पण्‍या नाहीत:
टिप्पणी पोस्ट करा