बीड, दि.17 :- बीड शहरातील जिल्हा न्यायालयाच्या
नूतन इमारतीची पाहणी करुन पालकमंत्री मुंडे यांनी वकील संघाशी चर्चा करतांना त्यांना
लागणाऱ्या फर्निचर व इतर साधन सामुर्गीसाठी निधी उपलब्ध करुन दिला जाईल अशी घोषणा केली.
बीड शहरातील नगररोडवर जिल्हा न्यायालयाची
भव्य दिव्य इमारत उभारण्यात आली असून यासाठी 65 कोटी 42 लक्ष रुपये खर्च आला असल्याचे
सार्वजनिक बांधकाम विभागाच्या वतीने सांगण्यात आले. या नूतर इमारतीची पाहणी करुन पालकमंत्री
मुंडे यांनी इमारतीमधील सोई सुविधाबाबत समाधान व्यक्त केले. वकील संघाच्यावतीने त्यांचे
स्वागत केले गेले. त्यानंतर संघाच्या पदाधिकाऱ्यांशी बोलतांना त्यांनी कै.गोपिनाथ मुंडे
यांच्या आठवणी सांगितल्या. सामान्य माणसाला न्याय देण्यासाठी मुंडे साहेबांनी वकीली
केल्याचे सांगून पालकमंत्री मुंडे यांनी वकील संघाला शुभेच्छा दिल्या. यावेळी ॲड.अजय
राख यांच्यासह विधीज्ञ मंडळी उपस्थित होती.
कोणत्याही टिप्पण्या नाहीत:
टिप्पणी पोस्ट करा