बीड, दि. 31 :- सरदार वल्लभभाई पटेल यांची
जयंतीनिमित्ताने राष्ट्रीय एकता दौड व इंदिरा गांधी यांच्या स्मृती दिनानिमित्त राष्ट्रीय
संकल्प दिन म्हणून साजरा करण्यात येतो. या
दिनानिमित्त जिल्हाधिकारी कार्यालय तथा जिल्हा क्रिडा अधिकारी कार्यालय, बीड यांच्या
संयुक्त विद्यमाने श्रीमंत योगी छत्रपती शिवाजी
महाराज क्रिडा संकुल येथे आज राष्ट्रीय एकता
दौडचे आयोजन करण्यात आले होते. या निमित्ताने
आयोजित एकता दौड रॅलीस जिल्हाधिकारी एम.डी. सिंह, यांनी हिरवी झेंडी दाखवून रॅलीचा
शुभारंभ केला तसेच त्यांनी यावेळी राष्ट्रीय एकतेची उपस्थितांना शपथ दिली. या कार्यक्रमास
या रॅलीमध्ये निवासी उपजिल्हाधिकारी चंद्रकांत सुर्यवंशी, उपविभागीय अधिकारी विकास
माने, महेंद्र कांबळे, महाराष्ट्र केसरी श्री. केकाण, क्रिडा अधिकारी श्रीमती देशमुख
यांची प्रमुख उपस्थिती होती. श्रीमंत योगी छत्रपती शिवाजी महाराज क्रिडा संकुल येथून निघालेली ही रॅली सुभाष रोड, अण्णाभाऊ
साठे चौक मार्गे छत्रपती शिवाजी महाराज पुतळयाजवळ विसर्जित झाली. यावेळी अरविंद विद्यागर,
क्रिडा मार्गदर्शक अजय पवार, संतोष वाबने, अजित शेख, क्रिडा संघटक
अविनाश बारगजे, सुनिल गव्हाणे, अझर शेख, संजय धस, शरद अंदुरे, शेख इसाक यांच्यासह अधिकारी,
कर्मचारी, विद्यार्थी, खेळाडू मोठया संख्येने उपस्थित होते.
-*-*-*-
कोणत्याही टिप्पण्या नाहीत:
टिप्पणी पोस्ट करा