बीड,
दि. 20 :- राष्ट्रीय बालकामगार प्रकल्प, बीड अंतर्गत कार्यरत बीड मधील बार्शी नाका
आणि इमामपुर रोडच्या बालकामगार विशेष प्रशिक्षण केंद्राच्या कामकाजाची पाहणी शिक्षणाधिकारी
(प्रा) शशीकांत हिंगोणीकर यांच्यासह प्रकल्प संचालक ओमप्रकाश गिरी यांनी शुक्रवार दि.20
जानेवारी 2017 रोजी प्रत्यक्ष भेट देवून केली.
श्री.हिंगोणीकर यांनी भेटी दरम्यान प्रशिक्षण
केंद्रातील मुलांशी मुक्त संवाद साधून शिक्षण पुर्ण केल्यावर काय करणार असा प्रश्न
मुला-मुलींना विचारुन त्यांची विविध क्षेत्रातील आवड जाणून घेतली. यावेळी केंद्रातील
मुलांना योग्य मार्गदर्शन व पालकांचे प्रबोधन होणे गरजेचे असल्याचे त्यांनी सांगितले.
याकरीता शनिवार दि.21 जानेवारी रोजी शिक्षणाधिकारी (प्रा.) शशीकांत हिंगोणीकर यांच्या
उपस्थितीमध्ये पालकसभा आयोजित करण्यात आली आहे. असे राष्ट्रीय बालकामगार प्रकल्पाचे
प्रकल्प संचालक यांनी कळविले आहे.
कोणत्याही टिप्पण्या नाहीत:
टिप्पणी पोस्ट करा