बीड दि. 15 :- जिल्हा
रुग्णालयातील जिल्हा रक्तपेढीत स्वयंस्फुर्तीने रक्तदान करुन तसेच रक्तदान शिबीराचे
आयोजन करुन सहकार्य करावे असे आवाहन जिल्हा रुग्णालयाचे जिल्हा शल्य चिकित्सक यांनी
केले आहे.
जिल्हा रुग्णालयात येणाऱ्या रुग्णांची
संख्या लक्षात घेता तसेच जिल्हा रुग्णालयातील रक्तपेढी मधील रक्त पिशव्यांची व रक्त
घटकांची मागणी लक्षात घेता रक्त व रक्त घटकाच्या पिशव्यांचा साठा कमी आहे. थेलेसिमिया,
रक्तक्षय, रुग्णांना रक्त व रक्त घटकांची तात्काळ आवश्यकता असते त्याची पूर्तता उपलब्ध
साठ्यामधून करणे आवश्यक असते. परंतू जिल्हा रक्तपेढी येथे रक्त पिशवी व रक्त घटकांची
कमतरता असल्याने रुग्णांना रक्त पुरवठा करण्यामध्ये अडचण निर्माण आहेत आहे. तरी दात्यांनी
रुग्णालयाशी संपर्क साधून रक्तदान करावे. असे बीड जिल्हा रुग्णालयाचे जिल्हा शल्यचिकित्सक
यांनी कळविले आहे.
कोणत्याही टिप्पण्या नाहीत:
टिप्पणी पोस्ट करा