बीड दि. 26 :- बीड नगर परिषद निवडणूक-2016
चे मतदान दि.27 नोव्हेंबर 2016 रोजी सकाळी 7 ते 5 या वेळेत होत असून बीड तालुक्यातील
शहरी व ग्रामीण भागात राहणाऱ्या काही मतदारांची नावे ग्रामीण व शहरी भागात दोन ठिकाणी
आढळुन येत आहेत. त्यांनी शहरात नाव ठेवायचे आहे की ग्रामीण भागात याची खात्री करुन
एकाच ठिकाणी नाव ठेवणे गरजेचे आहे. मतदारांनी आपले मतदान एकाच ठिकाणी करावे. जर एखाद्या
मतदाराने शहरी भागात बीड नगर परिषद सार्वत्रिक
निवडणूकीत मतदान केल्यास व ग्रामीण भागात आगामी होऊ घातलेल्या जिल्हा परिषद व पंचायत
समिती तसेच ग्रामपंचायत सार्वत्रिक निवडणूकीत दोन्ही ठिकाणी दोन वेळेस मतदान केल्याचे
आढळुन आल्यास निवडणूक अधिनियमान्वये त्यांच्या विरोधात दंडात्मक कार्यवाही करण्यात
येईल. असे बीड निवडणूक निर्णय अधिकारी विकास माने, सहाय्यक निवडणूक निर्णय अधिकारी
श्रीमती छाया पवार, प्रशांत खांडकेकर यांनी कळविले आहे.
कोणत्याही टिप्पण्‍या नाहीत:
टिप्पणी पोस्ट करा