विविध विकास अनुदानासाठी अर्ज सादर करावेत

बीड , दि. 18 :-  बीड जिल्ह्यातील नोंदणीकृत युवक मंडळे, क्रीडा मंडळे, सेवाभावी संस्था, व्यायामशाळा, स्वयंसेवी संस्था, महिला मंडळ, शैक्षणिक संस्था यांच्याकडून सन 2016-17 या आर्थिक वर्षात समाजसेवा शिबीर, युवक मंडळ अनुदान, व्यायामशाळा विकास अनुदान, क्रीडांगण विकास अनुदानासाठी अर्ज मागविण्यात आले आहेत.

जिल्ह्यातील पात्र संस्थांनी विहीत नमुना अर्ज कार्यालयातून प्राप्त करुन घेण्यासाठी शुल्क भरावेत. तसेच व्यायामशाळा विकास अनुदान व क्रीडांगण विकास अनुदान योजनेसाठी 500 रुपये शुल्क आणि समाजसेवा शिबीर, युवक मंडळ अनुदानासाठी 200 रुपये शुल्क असून पात्र संस्थांनी दि.1 ते 25 नोव्हेंबर 2016 या कालावधीत जिल्हा क्रीडा कार्यालयात उपलब्ध असलेल्या विहीत नमुन्यातील अर्ज कागदपत्रासह दाखल करावेत. असे बीडचे जिल्हा क्रीडा अधिकारी यांनी कळविले आहे.