बीड, दि. 24 :- राज्यातील शासनमान्य सार्वजनिक
ग्रंथालयाचा गुणात्मक विकास व्हावा तसेच त्यांना अधिक चांगल्या सेवा देण्यासाठी प्रोत्साहन
मिळावे या उद्देशाने दरवर्षी ' डॉ.बाबासाहेब आंबेडकर उत्कृष्ट
ग्रंथालय पुरस्कार ' आणि ग्रंथालय चळवळीस योगदान देणाऱ्या सार्वजनिक ग्रंथालय क्षेत्रातील
कार्यकर्ता व सेवकांनी अधिक चांगल्या सेवेसाठी प्रवृत्त व्हावे तसेच त्यांना प्रोत्साहन
मिळावे म्हणून 'डॉ.एस.आर.रंगनाथन उत्कृष्ट ग्रंथालय कार्यकर्ता' व 'सेवक ग्रंथमित्र
पुरस्कार ' देण्यात येत असून यासाठी जिल्हा ग्रंथालय अधिकारी, बीड यांच्याकडे दि.10
सप्टेंबर 2016 पर्यत अर्ज सादर करावेत.
राज्यातील शहरी व ग्रामीण भागातील अ, ब,
क आणि ड वर्गातील उत्कृष्ट शासनमान्य सार्वजनिक ग्रंथालयांना अनुक्रमे 50 हजार, 30
हजार, 20 हजार आणि 10 हजार रुपये रोख पारितोषिक, सन्मानपत्र व स्मृतिचिन्ह तसेच राज्यातील
प्रत्येक महसूली विभाग स्तरावर प्रत्येकी एक कार्यकर्ता व सेवक यांना प्रत्येकी 15
हजार रुपये रोख पारितोषिक, सन्मानपत्र व स्मृतिचिन्ह देऊन गौरविण्यात येते. सन
2016-17 च्या पुरस्कार योजनेत सहभागी होण्यासाठी ग्रंथालय कार्यकर्ते व सेवक यांनी
आपले विहीत नमुन्यातील अर्ज दि.10 सप्टेंबर 2016 पर्यंत द्विप्रतीत जिल्हा ग्रंथालय
अधिकारी कार्यालय, बीडकडे सादर करावेत असे बीडचे जिल्हा ग्रंथालय अधिकारी यांनी कळविले
आहे.
कोणत्याही टिप्पण्या नाहीत:
टिप्पणी पोस्ट करा