12 नोव्हेंबर रोजी लोकन्यायालयाचे आयोजन

बीड, दि.17 (जि.मा.का.) :- बीड जिल्हा विधी सेवा प्राधिकरण व सर्व तालुका विधी सेवा समिती यांचेमार्फत जिल्ह्यात लोकन्यायालयाचे शनिवार दि. 12 नोव्हेंबर 2022 रोजी आयोजन करण्यात आले आहे. या लोकन्यायालमध्ये आपले प्रकरण तडजोडीसाठी ठेवून प्रकरण तडजोड करून घ्यावे व आपला वेळ, श्रम व पैसा वाचवावा. लोकन्यायालयामध्ये न्यायालयातील सर्व प्रलंबीत दिवाणी दावे, मोटार अपघाताची प्रकरणे 138 एन. आय. अॅक्टची प्रकरणे, भूसंपादनाची प्रकरणे, तडजोडजन्य फौजदारी प्रकरणे व बँका, पतसंस्था, बीएसएनएल इ. दाखलपूर्व प्रकरणे यांचा समावेश आहे. तरी सदरील लोकन्यायालयामध्ये ज्यांची प्रकरणे न्यायालयात प्रलंबीत आहेत. त्यांनी 12 नोव्हेंबर रोजीच्या लोकन्यायालयात आपले प्रकरण तडजोडीने निकाली काढावेत, असे आवाहन अध्यक्ष , जिल्हा विधी सेवा प्राधिकरण, बीड व सचिव, जिल्हा विधी सेवा प्राधिकरण, बीड यांनी केले आहे. -*-*-*-*-