भूमि अभिलेख विभागांतर्गत 7 ऑक्टोबरला पेन्शन अदालत

बीड, दि. 30 (जि. मा. का.) : भूमि अभिलेख विभागातून बीड जिल्ह्यातील मागील दहा वर्षांत सेवानिवृत्त झालेल्या ज्या अधिकारी -कर्मचाऱ्यांना सेवानिवृत्ती विषयक लाभ देणे बाबतची कार्यवाही प्रलंबित आहे, अशा अधिकारी-कर्मचारी यांची पेन्शन अदालत दिनांक ७ ऑक्टोबर २०२२ रोजी दुपारी ३.०० ते ५.०० या वेळेत जिल्हा अधीक्षक भूमि अभिलेख बीड, चांदमारी शासकीय वसाहत, पालवन चौका जवळ, धानोरा रोड, बीड ४३११२२ या कार्यालयात आयोजित करण्यात आलेली आहे. तरी संबंधित अधिकारी - कर्मचारी यांनी आवश्यक कागदपत्रासह पेन्शन अदालतीस उपस्थित रहावे, असे आवाहन करण्यात येत आहे. 00000