बीड, दि.22:-
हरियाणा राज्यातील मनेसर येथील मारुती सुझुकी इंडिया लिमिटेड कंपनीत भरतीसाठी शुक्रवार
दि.30 सप्टेंबर 2016 रोजी बीड शासकीय औद्योगिक प्रशिक्षण संस्थेत आयटीआय उत्तीर्ण उमेदवारांसाठी
भरती मेळाव्याचे आयोजन करण्यात आले आहे.
मेळाव्यात
फिटर, टर्नर, वेल्डर, पेंटर जनरल, मशिनिष्ट, ॲटोमोबाईल, पीपीओ, मोटर मेकॅनिक (हिट इंजिनआणि
ॲटोमोबाईल) हा व्यवसाय उत्तीर्ण असलेल्या इच्छुक उमेदवारांनी आवश्यक प्रमाणपत्रांच्या
मुळ व साक्षाकिंत प्रतिसह स्वखर्चाने उपस्थित रहावे. उमेदवाराचे वय 18 ते 25 वर्ष असावे.
हरियाना राज्यातील गुरगाव व मनेसर हे कामाचे ठिकाण राहील. वेतन अंदाजे 18 हजार 752
रुपये, बोनस, गणवेश, कॅन्टीन इत्यादी सुविधा राहतील. आयटीआयचा 2 वर्षाचा पुर्णवेळ व्यवसाय
उत्तीर्ण शैक्षणिक पात्रता राहील. द्विस्तरीय पात्रता फेरीत निवड झालेल्या उमेदवारांची
प्रथम 7 महिन्यासाठी नेमणूक केली जाईल नंतर आपोआप ही नेमणूक समाप्त होईल व नंतर कंपनीच्या
गरजेनूसार पुढील आदेश दिले जातील. असे बीडचे मुलभूत प्रशिक्षण तथा अनुषंगिक सुचना केंद्राचे
सहाय्यक प्रशिक्षणार्थी सल्लागार आर.बी.शिंदे यांनी कळविले आहे.
कोणत्याही टिप्पण्या नाहीत:
टिप्पणी पोस्ट करा