शिकाऊ उमेदवारीसाठी जिल्हास्तरीय भरती मेळाव्याचे आयोजन

          बीड, दि.25 :-जिल्ह्यातील औद्योगिक प्रशिक्षण संस्थेचा कोणताही व्यवसाय अभ्यासक्रम उत्तीर्ण, ॲपीयर प्रशिक्षणार्थी व अप्रशिक्षीत उमेदवारांसाठी ऑगस्ट सत्रामध्ये शिकाऊ उमेदवारांची भरती करु इच्छिणाऱ्या सर्व आस्थापनांचा भरती मेळावा दि.30 व 31 ऑगस्ट 2016 रोजी औद्योगिक प्रशिक्षण संस्था, बीड येथे आयोजित करण्यात आला आहे.

            अप्रशिक्षीत उमेदवारांसाठी मंगळवार दि.30 ऑगस्ट 2016 रोजी सकाळी 11 ते 5वाजेपर्यंत आणि  प्रशिक्षीत, आयटीआय उत्तीर्ण व ॲपीयर उमेदवारांसाठी बुधवार दि.31 ऑगस्ट 2016 रोजी सकाळी 11 ते 5 वाजेपर्यंत औद्योगिक प्रशिक्षण संस्था, नगर रोड, बीड येथे मेळाव्याचे आयोजन करण्यात आले आहे. इच्छुकांनी मेळाव्याचा लाभ घ्यावा. असे मुलभूत प्रशिक्षण तथा अनुषंगिक सुचना केंद्र बीडचे अंशकालीन प्राचार्य यांनी कळविले आहे.