बीड, दि.
27 :- सामाजिक न्याय व विशेष सहाय्य विभागाकडून अनुसूचित जाती व नवबौध्द घटकांच्या
स्वयंसहाय्यता बचतगटांना मिनी ट्रॅक्टर व त्यांची उपसाधने पुरविण्याच्या योजनेस शासनाने
मान्यता दिली असून पात्र बचतगटांनी आपले अर्ज दि.17 जानेवारी 2016 पर्यंत समाज कल्याण
कार्यालयात सादर करावेत.
योजनेअंतर्गत
मिनी ट्रॅक्टर युवराज 215, 1.5 टन नॉन टिपींग ट्रेलर व महिंद्रा ॲण्ड महिंद्रा कंपनीचे
0.8 मी. रोटाव्हेटर 3 लाख 50 हजार किंमतीचे 90 टक्के अनुदानावर देण्यात येते. या रक्कमेपैकी
10 टक्के रक्कम 35 हजार स्वहिस्सा बचत गटांनी भरणे आवश्यक आहे. समाज कल्याण आयुक्तांनी
सन 201-17 या वर्षासाठी 45 उद्दीष्ट दिले असून देण्यात आलेल्या उद्दिष्टानूसार पात्र
बचतगटांची निवड करण्यासाठी विहीत नमुन्यातील अर्ज आवश्यक कागदपत्रासह मागविण्यात आले
आहेत. विहीत नमुन्यातील अर्ज कार्यालयीन वेळेत समाज कल्याण कार्यालयात विनामुल्य उपलब्ध
आहेत. अधिक माहितीसाठी सहाय्यक आयुक्त, समाज कल्याण डॉ.बाबासाहेब आंबेडकर सामाजिक न्याय
भवन, नगर रोड,बीड येथे प्रत्यक्ष संपर्क साधावा. असे समाज कल्याणचे सहाय्यक आयुक्त
आर.एम.शिंदे यांनी कळविले आहे.
कोणत्याही टिप्पण्या नाहीत:
टिप्पणी पोस्ट करा