बीड,दि.27:-
बीड जिल्ह्यातील सर्व राज्य शासकीय निवृत्तीवेतनधारक, कुटुंब निवृत्तीवेतनधारकांनी
हयातीचे दाखले शासनाने उपलब्ध करुन दिलेल्या बायोमेट्रीक सुविधेचा वापर करुन कोषागार,
उपकोषागार कार्यालयात दि.15 जानेवारी 2017 पुर्वी सादर करावेत.
राज्य
शासनामार्फत सर्व कोषागारे व उपकोषागारामध्ये बायोमेट्रीक पध्दतीने हयातीचे दाखले घेण्याची
सुविधा उपलब्ध असून निवृत्तीवेतनधारकांनी जवळच्या कोषागार किंवा उपकोषागार कार्यालयात
जाऊन सोबत अचुक पी.पी.ओ. क्रमांक, खाते क्रमांक, मोबाईल क्रमांक व असल्यास ई-मेल आयडी
इत्यादी माहिती सोबत ठेवावी. ही माहिती जीवन
प्रमाण या पोर्टलवर नोंदवून बोटाचे ठसे घेतल्यानंतर बायोमेट्रीक ऑथेन्टीकेशन
पूर्ण होणार आहे म्हणजे व्यक्तीची खात्री होणार आहे. सर्व प्रक्रीया पूर्ण झाल्यानंतर
त्या संदर्भात मोबाईलवर लघुसंदेश प्राप्त होईल. या प्रक्रीयेत पी.पी.ओ. क्रमांक अचुक
भरणे अत्यंत महत्वाचे आहे. ही सुविधा सर्व कोषागार, उपकोषागार कार्यालये येथे उपलब्ध
आहे. असे बीडचे जिल्हा कोषागार अधिकारी डी.डी. माडे यांनी कळविले आहे.
कोणत्याही टिप्पण्‍या नाहीत:
टिप्पणी पोस्ट करा