यावेळी जिल्हा अधीक्षक कृषी अधिकारी रमेश
भताने, पाटबंधारे विभागाच्या अधीक्षक अभियंता सुनंदा जगताप यांच्यासह विविध विभागाचे
अधिकारी उपस्थित होते.
यावेळी
जिल्हाधिकारी नवल किशारे राम म्हणाले की, एकाच दिवशी 2 कोटी वृक्ष लागवड कार्यक्रमांतर्गत
जिल्ह्याला 8 लक्ष 21 हजार वृक्षारोपणाचे उद्दिष्ट देण्यात आले असले तरी जिल्ह्यातील
सर्व विभागांच्या सहकार्याने 10 लाखापेक्षा अधिक वृक्ष लागवड करण्यात येणार आहे. जिल्ह्यातील 1024 ग्रामपंचायतीमधून वृक्ष लागवडीसंदर्भात
चांगल्या प्रकारची वातावरण निर्मिती करण्यात आली असून या कामामध्ये जनतेचा सहभागीही
मोठ्या प्रमाणावर मिळत आहे. सर्व शासकीय विभाग,
पदाधिकारी तसेच जनता यांच्या सहकार्यातून वृक्ष लागवडीचा कार्यक्रम बीड जिल्ह्यात
100 टक्के यशस्वी होईल, असा विश्वास जिल्हाधिकारी श्री राम यांनी यावेळी व्यक्त केला.
बिंदुसरा प्रकल्प प्रकल्प परिसरात 2 हजार
जांभूळ या वृक्षाची लागवड करण्याचे नियोजन करण्यात आले असून सध्या पाऊस कमी प्रमाणात
असल्याने 500 वृक्षांची लागवड करण्यात येत आहे. येत्या काळात या परिसरात मोठ्या प्रमाणात
वृक्ष लागवड करण्यात येणार असल्याचेही त्यांनी यावेळी सांगितले.
कोणत्याही टिप्पण्‍या नाहीत:
टिप्पणी पोस्ट करा