बीड - आषाढी पंढरपूर यात्रेनिमित्त महाराष्ट्र
राज्य मार्ग परिवहन महामंडळाच्या बीड विभागामार्फत जिल्ह्यातील भाविकांसाठी 164 बसची व्यवस्था करण्यात आली आहे.
आषाढी पंढरपूर
यात्रा सन 2016 दि.10 ते 20 जुलै 2016 या दरम्यान
असून एकादशीचा मुख्य दिवस शुक्रवार दि.15 जुलै व पौर्णिमा मंगळवार दि.19 जुलै 2016
असे आहेत. बींड जिल्ह्यातून पंढरपूरला जाणाऱ्या भाविकांसाठी पुढीलप्रमाणे तालुकानिहाय बसेसची व्यवस्था करण्यात
आली आहे. बीड आगारातून 26, परळी आगारातून 23, धारुर आगारातून 19, माजलगाव आगारातून
17, गेवराई आगारातून 18, पाटोदा आगारातून 18, आष्टी आगारातून 18, अंबाजोगाई आगारातून
25 या प्रमाणे बीड विभागातून पंढरपूर यात्रेकरीता यावर्षी 164 बसेसचे नियोजन करण्यात
आले आहे.
ज्या खेडेगावात
बसकरीता आवश्यक प्रवाशी संख्या असेल तेथून पंढरपूर यात्रेकरीता जादा गाड्या सोडण्यात
येतील या करीता गावाजवळील आगार प्रमुखाशी संपर्क साधावा. पंढरपूर येथील भिमा बसस्थानकावरील
शेड क्र.3 मधून बीडकडे परतीला येणाऱ्या भाविकांसाठी बसची व्यवस्था करण्यात आली असून
या सेवेचा जिल्ह्यातील भाविकांनी लाभ घ्यावा, असे आवाहन बीड राज्य परिवहनचे विभाग नियंत्रक
यांनी केले आहे.
-*-*-*-*-
कोणत्याही टिप्पण्‍या नाहीत:
टिप्पणी पोस्ट करा