महात्मा गांधी यांची पुण्यतिथी कुष्ठरोग निवारण दिन म्हणून साजरा

बीड, दि. 31 :- महात्मा गांधी यांची 30 जानेवारी रोजी पुण्यतिथी असून ती देशभरात व राज्यामध्ये साजरी करण्यात येते. महात्मा गांधीनी त्यांच्या हयातीत पुर्ण न झालेले एकमेव स्वप्न म्हणजे कुष्ठ रोगाचे समुळ उच्चाटन हे आहे यामुळे त्यांच्या पुण्यतिथीचा दिवस संपुर्ण देशभरात "कुष्ठरोग निवारण दिन" म्हणून पाळण्यात येतो.

सहाय्यक संचालक, आरोग्य सेवा (कुष्ठरोग), बीड यांच्या कार्यालयात महात्मा गांधी यांची पुण्यतिथी त्यांच्या प्रतिमेस  पुष्पहार अर्पण करण्याबरोबरच दोन मिनिटे मौन पाळून साजरी करण्यात आली. यावेळी सहाय्यक संचालक डॉ.के.एस.आंधळे, एल.व्ही.शिंदे,सां.सहाय्यक सी.जी.जाधव, श्री.गोसावी अवैस, श्री.अलुप्तकर, श्री.खेडकर, श्री.मसणे, श्रीमती जे.एस.मस्के, श्री.ससाणे, श्री.केदार, श्री.गव्हाणे, श्री.काळे व कार्यालयातील इतर सर्व कर्मचारी उपस्थित होते.