बीड, दि 15:- केंद्र शासनाच्या
सामाजिक न्याय व सशक्तीकरण विभागाच्या विगलांगजन सशक्तीकरण विभागामार्फत 9 वी ते
10 वीच्या विद्यार्थ्यांकरीता मॅट्रीक पूर्व शिष्यवृत्ती, इयत्ता 11 वी ते पदवित्तर
पदवी व पदविका यामध्ये देशातील केंद्र शासनाने उच्च दर्जा दिलेल्या 197 संस्थामधून
शिक्षण घेणाऱ्या अपंग विद्यार्थ्यांकरीता शिष्यवृत्ती देण्याची योजना ऑनलाईन पध्दतीने
शिक्षण विभागाकडून राबविण्यात येत आहे. अर्ज करण्याची अंतिम तारीख शुक्रवार दि.30 सप्टेंबर
2016 असून अपंग विद्यार्थ्यांनी अर्ज करावेत.
शिष्यवृत्ती योजनेच्या समन्वयाचे कामकाज
अपंग कल्याण आयुक्तालय, महाराष्ट्र राज्य, पुणे यांच्यामार्फत करण्यात येत असून ज्या
अपंग विद्यार्थ्यांनी राज्य शासनाच्या शिष्यवृत्तीसाठी अर्ज केलेला आहे व ते केंद्र
शासनाच्या शिष्यवृत्तीसाठी पात्र ठरतात अशांनी राज्य शासनाच्या शिष्यवृत्तीऐवजी केंद्र
शासनाच्या शिष्यवृत्तीसाठी ऑनलाईन पध्दतीने www.schlorships.gov.in या वेबसाईटवर अर्ज करावेत. वेबसाईटवर गेल्यास प्री
मॅट्रीक स्कॉलरशिप फॉर पर्सन विथ डिसॲबॅलीटीज या समोर गाईडलाईन्स असून त्या डाऊनलोड
केल्यास त्याबाबतची सर्व माहिती उपलब्ध होईल तसेच या प्रकारे पोस्ट मॅट्रीक व टॉप क्लास
स्कॉलरशिपची माहिती उपलब्ध होईल. यामध्ये सर्वात आधी वेबसाईट उघडल्यास वरील बाजूस रजिस्ट्रेशन
न्यु लॉग इन दिसून येते यामध्ये विद्यार्थ्यांनी स्वत:चा रजिस्ट्रेशन नंबर तयार करावयाचा
आहे यानंतर रजिस्ट्रेशनची प्रक्रिया पूर्ण झाल्यानंतर लॉग इन अप्लायवर क्लिक करुन डॉक्युमेंट
अपलोड करुन सर्व माहिती भरावयाची आहे. अर्ज करण्याची अंतिम तारीख दि.30 सप्टेंबर
2016 राहील. असे जिल्हा परिषदेचे जिल्हा समाज कल्याण अधिकारी यांनी कळविले आहे.
कोणत्याही टिप्पण्‍या नाहीत:
टिप्पणी पोस्ट करा